21:31 | 31 Tetor 2019
21:31 | 31 Tetor 2019
Problemet për Zinedine Zidane duket sikur nuk kanë të ndalur.
Trajneri i Real Madrid, Zidane, nuk do të mund të llogarisë në shërbimet e James Rodriguez, pasi lojtari është i angazhuar me disa probleme familjare.
Rodriguez mungoi gjatë mesjavës, pasi lojtari ishte në Kolumbi, ku gruaja e tij po sillte në jetë të voglin e dytë të James.
Kësisoj, mesfushori ka munguar edhe në seancën stërvitore të së enjtës, të cilën Real Madrid e zhvilloi pas fitores ndaj Leganes.
Lojtari pritet të kthehet nesër me skuadrën, por nuk pritet të përfshihet në skuadrën e Zidane për ndeshjen e së shtunës, transmeton lajmi.net.
Kështu, James do të duhet që të presë deri në mesjavën e ardhshme të Ligës së Kampionëve, që potencialisht të ketë një shans për lojë. /Lajmi.net/
