19:31 | 28 Tetor 2019
19:31 | 28 Tetor 2019
Chris Smalling është duke kaluar këtë sezon tek skuadra e Romës.
Smalling kaloi në Serie A në formë huazimi, nga ‘Old Trafford’, pasi nuk shihej si i rëndësishëm për planet e Ole Gunnar Solskjaer.
Lojtari ka regjistruar disa paraqitje të mira, duke u pëlqyer nga bordi drejtues i Romës, të cilët raportohet se kanë nisur punimet për të siguruar kartonin e anglezit.
Por, raportime të ‘Sky Sports’ japin tjera sinjale. Smalling pritet të kthehet tek Manchester, me të përfunduar aventurën e tij si i huazuar, transmeton lajmi.net.
Mbrojtësi thuhet se nuk do të mbetet në kryeqytetin italian, duke u rikthyer në ‘Old Trafford’ në vitin tjetër.
Mbetet të shihet se çfarë do të vendos në fund lojtari i Romës, kartoni i të cilit i takon Manchester Unitedit. /Lajmi.net/
