17:24 | 22 Tetor 2019
17:24 | 22 Tetor 2019
Paris Saint Germain sonte (e martë) kanë mundësinë të bëhen skuadra e parë në historinë e Ligës së Kampionëve që siguron kalimin tutje pas vetëm tri ndeshjeve të luajtura.
Pas dy raundeve, parisianët kryesojnë me gjashtë pikë, pas fitoreve kundër Real Madridit dhe Galatasaray, ndërsa të martën takohen me kampionët e Belgjikës, Club Brugge.
Nëse PSG mposht Club Bruggen, dhe Real Madrid dhe Galatasaray luajnë baras, kampionët e Francës do të siguronin kalimin tutje pas vetëm tri ndeshjeve.
Në atë rast, PSG do të numëronin 9 pikë, ndërsa Real dhe Galatasaray nga dy pikë.
Duke parë se deri në fund të fazës së grupeve do të mbetnin edhe tri xhiro, do të ishte e pamundur që PSG të humbiste mundësinë për të kaluar tutje./Lajmi.net/
