fbpx

Kjo nuk pritej, Ja çfarë i ndodhi në kufi Mërgimtarit nga Zvicra

Google+ Pinterest LinkedIn Tumblr +

Labinot Ramadani, i cili prej vitesh jeton në Zvicër, si çdo verë edhe këtë sezon preferoi të vinte në vendlindjen e tij në Kosovë për pushime. Por, me të arritur nē kufi me veturën e tij të tipit Lamborghini ai u ndalua në doganën e Morinës, pasi policia dyshonte se makina e tij ishte e vjedhur.

Oficerët e kufirit i kishin thënë atij se makina ishte denoncuar në Interpol dhe se ai do të arrestohej dhe mjeti do të mbahej i bllokuar.

Teksa kishin shkruar për verifikim në pikën doganore, Labinot Ramadani nuk u lejua më të dilte prej andej dhe u dërgua në qeli, ndërsa familja e tij për më shumë se 5 orë qëndroi në diell pa asnjë informacion.

Motra e tij, Eranda Ramadani, është shprehur se vëllai i saj makinën e zotëron prej katër vjetësh dhe ka ardhur dhe herë të tjera në Kosovë, por nuk është ndaluar.

“Stop” investigoi mbi këtë rast dhe mëson nga punonjësit e policisë së Morinit se për makinën kishte një njoftim nga Interpol Roma, por pas verifikimit rezultoi se bëhej fjalë për një lapsus, përcjell albinfo.ch.

Pas ndërhyrjes së “Stop” për Labinot Ramadanit, u zhvillua dhe seanca gjyqësore më 21 gusht, por prokurorja Vata mungoi pa asnjë njoftim zyrtar. Pak ditë më vonë, më 24 gusht, gjykata shpalli të pafajshëm Ramadanin, por makinën e tij me urdhër të prokurorit po e mbajnë ende të bllokuar, edhe pse Interpol Roma ka dërguar shkresë se mjeti nuk është i vjedhur.

Qytetari nga Kosova pas daljes nga burgu ka premtuar se do ta ndjekë çështjen e tij deri në Strasburg. “Unë nuk di çfarë të them, ju i keni parë letrat, i ka dhe avokati. Dihet e gjithë çështja, kjo makinë është e paguar me para të pastra, para me djersë dhe nuk është e vjedhur. Këto janë montazhe të këtyre për para, shkova në Kosovë, erdha në Shqipëri prapë dhe më pas më kanë kontrolluar. Ata më kanë kërkuar që të dalë nga radha dhe më kanë kërkuar dokumentet. Kjo ka qenë e përgatitur. Unë kam probleme shëndetësore, këtë vuajte që kam bërë, nuk e kanë pësuar as lopët. Këtë çështje unë nuk e lë, do ta ndjekë deri në Strasburg”, thotë Ramadani.

Share.