17:37 | 30 Tetor 2019
Meliza Haradinaj
17:37 | 30 Tetor 2019
Meliza Haradinaj, këshilltarja e Kryeministrit në largim, Ramush Haradinaj ka reaguar lidhur me bisedimet që dy partitë fituese të zgjedhjeve të 6 tetorit VV dhe LDK po i bëjnë për postin e Presidentit.
Përmes një postimi në Facebook, Haradinaj ka shkruar se Vetëvendosje si fituese e zgjedhjeve nuk duhet që postin e Presidentit të vendit ta bëjë me pazar politik me LDK-në.
Postimi i plotë:
PO HIQNI DORË NGA NDRYSHIMI ENDE PA IA NISË!
Është e pandershme, joparimore, dhe mashtruese që pazari për Presidentin e ri të Kosovës, të bëhet në kurriz të ndryshimit që e kërkoi sovrani me 6 tetor.
VV si fituese e zgjedhjeve nuk do të duhej që për hir të marrëveshjes së koalicionit për pushtet me LDK-në, të sakrifikojë reformën e nevojshme e të shumëkërkuar zgjedhore – e cila do të duhej të mundësojë zgjedhjen e Presidentit të ardhshëm direkt nga populli, e jo nga pazaret politike.
Me këtë logjikë, nëse edhe Presidenti i ardhshëm do të jetë politik, më mirë të hiqet dorë nga reforma e tërësishme zgjedhore dhe të vazhdohet me menaxhimin e dështimeve politike! /Lajmi.net/
