16:31 | 26 Tetor 2019
16:31 | 26 Tetor 2019
Fabian Ruiz është dëshira e madhe e Barcelonës.
Barcelona ka filluar monitorimin e situatës së Fabian Ruiz, me Real Madrid që rivalizon skuadrën katalane.
Mesfushori që dikur luante me Betis, shënoi progres të madh në lojën e tij që nga kalimi tek Napoli, duke tërhequr kështu vëmendjen e dy gjigantëve të La Liga.
Lidhur me interesimin e Barcelonës dhe Real Madrid për lojtarin ka folur edhe presidenti i Napoli, Aurelio De Laurentiis.
‘Mundo Deportivo’ shkruan se presidenti i Napoli ka thënë se është i gatshëm që të nis negociatat për shitjen e lojtarit, për një shifër prej 180 milionë eurove, transmeton lajmi.net.
Kjo shifër është shumë e majme dhe vështirë e arritshme, sidomos për Barcelonën, e cila viteve të fundit ka shpenzuar mjaft shumë.
Mbetet të shihet nëse negociatat do të hapen, pas kërkesave të mëdha të De Laurentiis. /Lajmi.net/
