fbpx

12 Doktora Shqiptarë punojnë në një spital të njohur të Gjermanisë, Ja ku dhe kush janë…

Google+ Pinterest LinkedIn Tumblr +

Është bërë e ditur se vetëm në spitalin „St. Georg Klinikum Eisenach gGmbH“, i cili spital daton që mbi 200 vjet, punojnë 12 mjekë që vijnë nga Kosova.

Prezenca, kontributi dhe të arriturat e diasporës sonë në të gjitha lëmitë si në atë ekonomike, sociale, shkencore e kulturore janë një vlerë dhe një tregues i mirë i integrimit në shoqërinë gjermane.

Gjatë vizitës disa ditore të Konsullit të Përgjithshëm, Afrim Nura dhe Konsullit Zenel Gashi në landin e Tyringenit, ata takuan dhe vizituan disa bashkatdhetarë, biznesmenë, gastronomë e mjekë që tanimë jetojnë dhe veprojnë në këtë land.

Duhet theksuar se në takimin dhe vizitën e Konsullatës me disa nga këta mjekë, si me Dr. Flokart Smajli- neurolog, Dr. Remzi Gashi- kirurg abdominal, Dr. Shkodran Krasniqi- kirurg, Dr. Besnik Ismajli – gastroenterolog,

Dr. Kushtrim Ahmeti- radiolog, Dr. Kujtim Pllana- anesteziolog, Dr. B. Gojani-Bicaj – neurologe dhe Dr. F. Muhadri- internist u bashkëbiseduan tema të ndryshme.

Si të arriturat, suksesi dhe vështirësitë e tyre këtu, por edhe bashkëpunimi institucional, duke theksuar gatishmërinë dhe dëshirën e këtyre specialistëve.

Që përmes përkrahjes institucionale t’u krijohet mundësia e kthimit për të dhënë kontributin dhe eksperiencën në atdhe. /Albinfo.ch

Share.