fbpx

​Gjysma e BE-së futet në “listën e kuqe”: Hiqni dorë nga udhëtimet

Google+ Pinterest LinkedIn Tumblr +

Qeveria gjermane ka vendosur njëmbëdhjetë rajone të tjera të Bashkimit Evropian në listën e atyre në rrezik për shkak të përhapjes së coronavirusit.

Budapesti është gjithashtu në “listën e kuqe” – ku sonte luhet ndeshja e Super Kupës midis Bayern dhe Sevilla.

Qeveria federale në Berlin shpalli disa rajone në 11 vendet anëtare të BE të rrezikshme dhe rekomandoi qytetarët gjermanë të heqin dorë nga udhëtimet që nuk janë me të vërtetë të nevojshme. Lista përfshin rajone dhe qytete nga vendet fqinje: Danimarka, Franca, Austria, Republika Çeke dhe Holanda.

Për momentin, lista gjermane e rajoneve ku ekziston një rrezik i rritur i infektimit përfshin gjithsej 14 nga 27 vende të Bashkimit Evropian – në disa vende vetëm rajone të caktuara janë në listë, dhe në disa territore të plota si Spanja.

Që nga e mërkura, rajonet e para në Danimarkë, Portugali, Irlandë dhe Slloveni janë futur në listë. Dhe në rastin e Francës, Republikës Çeke, Holandës, Kroacisë, Rumanisë, Austrisë dhe Hungarisë, lista aktuale e rajoneve të rrezikut është zgjeruar.

Kriteri kryesor, por jo i vetmi për vendosjen e një rajoni në listën e destinacioneve të rrezikshme është rritja e numrit të rasteve të reja korona në më shumë se 50 infeksione për 100,000 banorë në shtatë ditët e fundit.

Kryeqyteti hungarez Budapest është gjithashtu në listën gjermane të rajoneve të rrezikshme – dhe kjo është ajo ku ndeshja e Super Kupës së Futbollit Evropian midis Bayern dhe Seviljes spanjolle do të zhvillohet sonte.

Ndeshja luhet në Pushkash Arena, e cila ka një kapacitet prej 67,000 vendesh. Një maksimum prej 30 për qind e kapaciteteve në dispozicion duhet të plotësohen në tribuna sonte.

Shteti federal gjerman i Bavarisë të martën shtrëngoi rregullat e karantinës për tifozët e Bayern që vendosin të udhëtojnë në Budapest dhe kryeministri bavarez Markus Zeder bëri thirrje që të mos udhëtonin për të “vizituar” Hungarinë.

Kanalet televizive që transmetojnë ndeshjen (Sky dhe DAZN) nuk do t’i dërgojnë ekipet e tyre në fushë për arsye sigurie, gazetarë që do të komentojnë ndeshjen në studio.

Edhe para vendosjes së rregullave të reja, rreth 800 tifozë të klubit bavarez anuluan udhëtimin në Hungari.

Shefi i Bayern Karl-Heing Rummenigge tha të dielën se ai pret mbështetjen e rreth 2,100 tifozëve të klubit të tij në tribuna, por duket se do të ketë shumë më pak. Në prag të ndeshjes, UEFA mori një kërkesë nga Sevilla për dhënien e më pak se 350 biletave.

Share.